Алматы қаласы Алатау ауданы №178 мамандандырылған лицейде «Болашаққа еңбекқор, білімді, өнерлі және дені сау ұрпақ» атты онкүндік өтті.
Онкүндіктің ашылуында лицей директоры Қайратбек Шадиев сөз алып, ұстаздарға ризашылығын білдіріп, сәттілік тіледі.
Онкүндік барысында Эстетикалық пәндер, дене шынықтыру, АӘ және технологиялық дайындық кафедрасының пән мұғалімдері жаңартылған білім мазмұны бойынша ашық сабақтар мен сыныптан тыс іс-шаралар өткізді. Дене шынықтыру пәнінің мұғалімдері, М.К.Өтешова, Н.Т.Молдахмет, Е.М.Әнәпияев, Р.Қыпшақ, Н.Э.Төлбаева, А.Е.Жанпейісовалардың мұрындық болуымен 8-11 сыныптар (ұлдар, қыздар) арасында футболдан, волейболдан жарыстар өтті.
Сонымен қатар, 9-11 сыныптың оқушылары спорттың 4 түрінен бақ сынасты. Атап айтқанда, «Гауһар тас лигасы» аясында жеңіл атлетикадан бір орыннан ұзындыққа секіру, 100 метрге жүгіру, кросс 1000 м қыздар, 2000м ұлдар және эстафеталық таяқшамен жүгіру. Сайыс соңында I, II, III орын алған жеңімпаздар марапатталды. Сонымен қатар технология пәні мұғалімдері М.А.Әбіқанова мен А.Н. Қадыров оқушыларды қолөнерге баулып, балалардың жасаған бірегей туындылары көрмеге қойылды.
Онкүндік аясында кафедра мұғалімдері 7 сынып ұлдары арасында «Жігітке жеті өнерде аз» атты сайыс өткізді.
«Оқушылар арасында мұндай шараларды жиі өткізудің тәрбиелік мәні зор. Байқау оқушыларды жігерлілік пен ұстамдылыққа, батылдық пен шымырлыққа тәрбиелейді»,-дейді №178 мамандандырылған лицей директорының тәрбие ісі жөніндегі орынбасары Берік Нәбиұлы.
Қорытынды кезеңде қазылар алқасы жүлделі орынға ие болғандарды марапаттап, сыйлықтар тапсырды.
Байқау соңында кафедра мұғалімдері мен оқушылар «Атамекен» әнін хормен орындады.