Олимпиадада 80 спортшы Қазақстан намысын қорғайды.
Парижде 26 шілдеде ҚР құрамасының қатысуымен XXXIII жазғы Олимпиада ойындарының салтанатты ашылу рәсімі өтті. Дүбірлі доданы елімізде тікелей эфирде «Қазақстан», Qazsport, «Хабар», «Ел Арна» және «Жібек жолы» телеарналары көрсетті, деп хабарлайды aqshamnews.kz.
Алматы тұрғындары мен қонақтары олимпиаданың ашылу салтанатын үлкен 5 LED-экрандар арқылы тамашалай алды.
- Джамбо - статус экраны, Назарбаев даңғылы, Сәтпаев көш.қиыл, 14;
- «Атакент» КҚКО - статус экраны, Әуезов көш., Тимирязев көш.қиыл;
- «Алмалы» СОО - Сәтпаев көшесіндегі орталық алаңдағы стела;
- «ЦУМ» СОО - медиафасад, Жібек Жолы көш, ЦУМ-ға қарама-қарсы;
- «Тигрохауд» СОО – медиафасад, Абай даңғылы мен Алтынсарин көшелерінің қиылысы.
Жазғы Олимпиада ойындарының ашылу салтанатын тамашалауға халық көп жиналды.
– Өте әсерлі! Мұндай ғажайып дүниені үлкен экранда көрген ерекше екен. Әрі бізге осындай мүмкіндік берілгеніне қуаныштымын, - дейді Олимпиаданың ашылу салтанатын көруге келген қала тұрғындарның бірі.
- Жолдары ашық болсын! Біздің спортшыларымызға барынша табысты өнер көрсетіп, медаль жеңіп алуларына тілектеспін, - деп тілегін білдірді тағы бір қала тұрғыны.
Қазақстан командасының құрамында Олимпиадаға 80 спортшы аттанды, оның ішінде 11 спортшы мен бір параспортшы Алматы қаласынан.
Бұған дейін Парижде 2024 жылғы Олимпиада ойындарының ашылуы басталды деп хабарланған болатын. Спортшылар шеруі кезінде Қазақстан құрамасының туын боксшы Асланбек Шымбергенов пен жеңіл атлет Ольга Сафронова алып шықты.