2024 жылғы Олимпиада жүлдегері Александра Ле референдумда дауыс берді. Спортшы Астанада Велотректегі сайлау учаскесінде дауыс берді, деп хабарлайды aqshamnews.kz.
«Мен қазір елордада жарыстардамын, бірақ соған қарамастан, өз азаматтық борышымды орындадым. Күн тәртібінде өте маңызды мәселе тұр, әрбір қазақстандық оған жауапкершілікпен қарап, жағдайға қарамастан дауыс беруге тырысады деп үміттенемін. Әр адамның дауысы маңызды», – деді ол.
Айта кетейік, бұған дейін Алматыда әйелдер арасындағы бокстан Париждегі XXXIII Жазғы Олимпиада ойындарының қола жүлдегері Назым Қызайбай, белгілі боксшы Ермахан Ибраимов, Олимпиада ойындарының күміс жүлдегері Нариман Құрбанов және т.б. спортшылар дауыс берген еді.