Туризм және спорт министрлігі "Олимп" спорттық-сауықтыру орталығы" жұмысын қайта бастайтынын айтты, - деп хабарлайды aqshamnews.kz тілшісі.
"Олимп" спорттық-сауықтыру орталығы Қырғыз Республикасының Ыстықкөл облысы аумағында орналасқан. Нысан 2006 жылғы 4 шілдедегі Қазақстан Республикасының Үкіметі мен Қырғыз Республикасының Үкіметі арасындағы Ыстықкөл облысы аумағында орналасқан курорттық-рекреациялық шаруашылық объектілеріне Қазақстан Республикасының меншік құқығын реттеу туралы келісім негізінде жұмыс істейді.
Қазір нысанды екі мемлекеттің аумағында қайта тіркеу жүргізілді, сондай-ақ орталықтың инфрақұрылымын жобалау мен қалпына келтіру бойынша дайындық жұмыстары басталды.