Экология министрі Ерлан Нысанбаев көлікті бес минуттан артық қыздыруға салынатын айыппұл туралы пікір білдірді, деп хабарлайды aqshamnews.kz
Ол экологиялық тұрғыдан бұл ережені қолдайтын болып шықты.
«Солтүстік өңірлерге келсек, ұзақ жылдар бойы көлік жүргізіп жүрген кез келген адам бес минуттың жеткілікті екенін растайды. Бұл кез келген суық өңірде қолдануға болатын норма. Сонымен қатар, жанармай үнемдеу тұрғысынан бұл адамдарды жауапты болуға үйретеді. Экологиялық жағынан біз бұл ережені толық қолдаймыз», – деді министр. Баспасөз конференциясында журналистер астаналықтардың бұл мәлімдемемен келіспеуі мүмкін екенін атап өтті.
Оған жауап ретінде Ерлан Нысанбаев өзінің тәжірибесін сынап көруге уәде берді:
«Бүгін түнде көлігімді далада қалдырамын. Таңертең тексеремін және нәтижесін сіздерге хабарлаймын», – деді министр.