Ел үшін маңызды оқиғаларға әр азаматтың қатысуы қажет, деп хабарлайды aqshamnews.kz тілшісі.
Алматы еркін күрес мектебінің белді өкілдерінің бірі Нұрқожа Қайпанов Құрылтай депутаттарының сайлауында дауыс берді.
Азияның үш дүркін чемпионы, әлем чемпионаттарының үш дүркін жүлдегері, Қазақстан Республикасының еңбек сіңірген спорт шебері Талғар ауданының Ақдала ауылындағы сайлау учаскесінде таңдау жасады.
Нұрқожа Қайпанов ұзақ жыл ірі халықаралық жарыстарда Алматы мен Қазақстанның намысын қорғап келеді. Оның спорттық жолында әлем және Азия чемпионаттарының жүлделері, халықаралық турнирлердегі жеңістер мен еліміздің ұлттық құрамасы сапындағы айтулы бәсекелер бар.
Спортшының айтуынша, үлкен спорттағы көпжылдық тәжірибе оны тәртіпке, жауапкершілікке және маңызды шешімді дербес қабылдауға үйреткен.
«Боз кілемге шыққанда тек өзің үшін емес, артыңда туған қалаң мен тұтас елің тұрғанын сезінесің. Алматы мен Қазақстанның намысын қорғау – мен үшін үлкен мәртебе. Бүгін таңдау жасадым. Ел үшін маңызды оқиғаларға әр азаматтың қатысуы қажет деп санаймын», – деді Нұрқожа Қайпанов.