Ұлттық құрама спортшысы Нұрқанат Серікбаев (-60 кг) Грузия астанасы Тбилисиде өтіп жатқан дзюдодан Үлкен дулыға санатындағы бәсекенің жеңімпазы атанды, деп хабарлайды almaty-akshamy.kz
Қазақстандық спортшы финалда Израиль палуаны Ям Волщакты сенімді жеңді.
Бүгін Нұрқанат алғашқы белдесуінде Йохан Рохасты (Колумбия) ұтқан. Сосын Израиль палуаны Йехонатан Векслерді, Украина өкілі Дильшод Халматовты жарты жолда қалдырды. Жартылай финалда Балабай Агаевты (Әзірбайжан) қапы қалдырды.
Нұрқанат былтыр Ташкентте өткен Үлкен дулыға санатындағы бәсекенің финалында қарсыласына жол беріп, күміс медальге ие болған.