Ең алдымен несие алушының табысына қатысты талап күшейтілмек.
Елімізде несие көлемін азайту үшін қарыз беру тәртібі қатаңдатылмақ. Бүгін Ұлттық банк ол үшін заңға қандай өзгерістер әзірленіп жатқанын жеткізді, деп хабарлайды аlmaty-akshamy.kz.
Яғни, банктер қазіргідей берешекті оңды-солды бере бермейді. Клиенттің ресми табысын ескеріп беруге міндеттелмек. Бұл адамдарға артық қарыз беруді шектейді дейді мамандар. Сондай-ақ, сарбаздарға несие беруге тыйым салынбақ. Әрі банктер мен микроқаржылық ұйымдар бұдан былай қарызды өндіру бойынша коллекторлық компанияларға жүгіне алмауы мүмкін.