Кандидаттар ұсыну науқаны кеше аяқталды.
Орталық сайлау комиссиясының мәліметінше, алдағы парламент сайлауына барлығы 892 кандидат ұсынылды, деп хабарлайды Almaty-akshamy.kz
7 партиялық тізім мәжіліс депутаттығына 283 кандидат ұсынылды:
1."Қазақстан халық партиясы" – 52 кандидат;
2."Ақ жол" Қазақстан демократиялық партиясы – 54 кандидат;
3."Ауыл" халықтық-демократиялық патриоттық партиясы – 25 кандидат;
4."Amanat" партиясы – 90 кандидат;
5."Respublica" партиясы – 25 кандидат;
6.Жалпыұлттық социал-демократиялық партия – 19 кандидат;
7."Байтақ" жасылдар партиясы – 18 кандидат.
Сондай-ақ бірмандаттық округтер бойынша Мәжіліс депутаттығына қанша кандидат ұсынылғаны да белгілі болды.
Барлығы 29 округ бойынша 609 кандидат ұсынылып отыр. Оның ішінде 7 саяси партиядан – 79 үміткер, төрт қоғамдық бірлестіктен – 5 кандидат, қалған 525-і – өзін-өзі ұсынғандар.
Кандидаттар мен саяси партияларды тіркеу 18 ақпан 18.00-ге дейін жалғасады. Сайлау алдындағы үгіт 18 ақпан 18.01-де басталып, 18 наурыз сағат 00.00-де аяқталады.
18 наурыз – тыныштық күні.
Айта кетері, Парламент Мәжілісі 98 депутаттан құралады: 69 депутат партиялық тізімдер бойынша, ал 29 депутат бірмандаттық аумақтық округтер бойынша сайланады.
Мәжіліс пен мәслихат депутаттарының кезектен тыс сайлауы 19 наурызда өтеді.