Кеше Қазақстан қалаларының бірінен ұшып шыққан рейстердің бірінде пилоттарға үш түрлі нүктеден лазер сәулелерінің бағытталғаны анықталды. Мұндай әрекеттер ұшақта отырғандардың барлығына өлім қаупін төндіреді, деп хабарлайды aqshamnews.kz.
Лазер сәулесі пилотты уақытша соқыр қылып, әсіресе ұшақтың ұшып көтерілуі мен қонуы кезінде аса қауіпті жағдай тудырады. Мұндай әрекеттер апатқа алып келу қаупін еселеп арттырады.
Қазақстан Республикасының Қылмыстық кодексіне сәйкес, мұндай қылмыстар үшін қатаң жаза қолданылады, оның ішінде ұзақ мерзімге бас бостандығынан айыру жазасы қарастырылған. Сонымен қатар, кінәлілер мемлекетке, азаматтарға және инфрақұрылымға келтірілген залал үшін материалдық жауапкершілікке тартылады.
Егер сіз осындай қауіпті әрекеттерге куә болсаңыз, ішкі істер органдарына немесе 102 нөмірі арқылы дереу хабарлаңыз!