Наурызбай ауданында 3 мың тұрғынды табиғи газбен қамтамасыз ететін және тұрғын үй алаптарын дамыту үшін жаңа мүмкіндіктер ашатын газдандыру жұмыстары белсенді түрде жалғасуда. Бұл туралы Алматының Энергетика және сумен жабдықтау басқармасынан хабарлады.
Алматының энергетика және сумен жабдықтау басқармасының тапсырысы бойынша мердігер ұйым 6,7 км жоғары қысымды газ құбырын салудың ауқымды жобасын іске асыруда.
Бүгінгі таңда құрылыс-монтаж жұмыстары 50% - ға орындалды, алайда іске асыру үдерісіндегі түзетулерге байланысты Райымбек даңғылы (Алатау даңғылынан Жексембаев көшесіне дейін) учаскесінде өзгерістер болды. Бұл қолданыстағы инженерлік коммуникациялар мен қорғау аймақтарын есепке алуға байланысты. Нәтижесінде жоба өзгертіліп, оны аяқтау 2025 жылдың тамызына жоспарланды.
Газ құбыры пайдалануға берілгеннен кейін орталық газбен жабдықтауға Alma City және «Елім-ай 4» тұрғын үй кешендері, сондай-ақ «Елисейские поля» коттедж қалашығы қосылады. Бұл 3000-нан астам тұрғынды тұрақты, экологиялық таза отынмен қамтамасыз етеді, сонымен қатар ауданның одан әрі өсуі мен абаттандырылуына жағдай жасайды.