"Биыл ауданда қосымша 34 шақырым сыртқы жарық жүргізіледі", - деді қала әкімі Ерболат Досаев аудан тұрғындарымен кездесуде
Әкімдіктің қаладағы 511 көшедегі сыртқы жарық бойынша жүргізген жұмыстары аясында 2022 жылы Наурызбай ауданында 10 учаске қамтылды («Елисейские поля» коттедж қалашығы, тұйық көшелері бар Бегайлы, Садовый бульвар, Карьерная көшелері, «Премьера» тұрғын үй кешені, Ілтипап, Төлебеков, Белжайлау, Береке және Бірлік көшелері). Кенесары хан көшесінің 11-ші учаскесіндегі жұмыстар осы жылдың ақпан айының соңына дейін аяқталады.
Тұрғындардың өтініштері бойынша ауданның бау-бақша серіктестіктеріндегі 50 көшеге осы жылдың соңына дейін қосымша ұзындығы 34 шақырым сыртқы жарық жүргізіледі. Бұл көшелер 511 көше тізіміне енбеген, себебі олар бау-бақша серіктестігінде орналасқан.
Аудан әкімдігі «Халық қатысатын бюджет» бағдарламасы шеңберінде жұмыстар жүргізуді жоспарлап отыр.