Әсіресе, жоғарғы бөлігінде емханалардың жетіспеу мәселесі өзекті болып тұр.
Алматы қаласының әкімі Ерболат Досаев бүгін Наурызбай ауданының жұртшылығымен кездесті. Оның барысында аудандағы денсаулық сақтау нысандарының жетіспеушілігі мәселесі айтылды, деп хабарлайды Almaty-akshamy.kz.
Аудан халқының жыл сайын 10-12 мың адамға өсетінін ескере отырып, қала әкімдігі 2 жаңа емхана (500 келушіге арналған) және 1 отбасы-дәрігерлік амбулатория (200 келушіге арналған) салуды жоспарлауда.
«Бүгінгі күні "Құрамыс" шағынауданында 500 келушіге арналған емхананың жобалау-сметалық құжаттамасы әзірленді, 2023 жылдың қаңтарында мемлекеттік сараптаманың оң қорытындысын алу, 2023 жылдың II тоқсанында құрылыс-монтаждау жұмыстарын бастау жоспарланған», - деді қала басшысы Ерболат Досаев.
"Шұғыла" шағынауданында 500 келушіге арналған жаңа емхана салу үшін жер учаскесін ресімдеу және жобалау-сметалық құжаттаманы әзірлеуге конкурс жариялау үшін құжаттама дайындалуда.
«Сондай-ақ, осы жылдың соңына дейін "Ақжар" шағынауданында 200 келушіге арналған 1 дәрігерлік амбулаторияның жобалау-сметалық құжаттамасын әзірлеу аяқталады, қазіргі уақытта ол мемлекеттік сараптаманың қарауында. Құрылысты мемлекеттік сараптаманың оң қорытындысын алып, конкурстық процедураларды өткізгеннен кейін, 2023 жылдың II тоқсанында бастау жоспарланған», - деді қала әкімі Е.Досаев.