Медбике сотталғанымен, несиені қарттар әлі төлеп жүр.
Жетісу облысында медбике он шақты науқас зейнеткердің атынан несие алған, деп хабарлайды aqshamnews.kz
Медбике жүріп-тұруы қиын қарияларды алдап фотоға түсіріп, әрқайсысына 500 мыңнан бастап миллион теңгеге дейін несие рәсімдеген.
"Тегін дәрі алып беремін, медициналық сақтандыруға керек" деп, қариялардың жеке деректері мен суреттерін алған.
Сотта 41 жастағы келіншектің алаяқтық жасағаны дәлелденіп, оған үш жарым жылға бас бостандығын шектеу жазасы тағайындалған. Сондай-ақ зардап шеккендердің материалдық шығын 7 миллион теңгені өтеу міндеттелген. Алайда медицина маманы сотталғанымен берешекті әлі өздері төлеп жатыр.