Атмосфералық фронтальды бөлімдер ҚР аумағының басым бөлігінде ауа райының тұрақсыздығына алып келеді. Найзағай соғып, дауыл тұрып, арты бүршаққа ұласады деп күтілуде. Еліміздің оңтүстік-шығысындағы таулы аймақтарында қатты нөсер жауады. Ал республиканың батысында, оңтүстік-батысында, солтүстік-батысында, республиканың орталығында антициклон сілемінің әсерінен жауын-шашын жаумайды, деп хабарлайды aqshamnews.kz «Қазгидромет» РМК баспасөз қызметіне сілтеме жасап.
Республика бойынша жел күшейіп, солтүстікте, солтүстік-батыста, елдің орталығында таңертең және түнге қарай тұман түседі.
«Абай, Ұлытау, Батыс Қазақстан, Атырау, Маңғыстау, Қызылорда, Ақтөбе, Алматы, Шығыс Қазақстан, Қарағанды, Жетісу облыстарында жоғары өрт қаупі күтіледі», - деп ескертті синоптиктер.