Өкінішке қарай, жедел медициналық қызмет келгенше бір адам қайтыс болды.
Екеуіне сол жерде медициналық көмек көрсетіліп, амбулаторлық емдеуге жіберілді.
Зардап шеккен қалған 22 адам қалалық ауруханаларға жеткізілді, бәрінің жағдайы орташа ауыр, деп хабарлайды Almaty-akshamy.kz.
Зардап шеккендер арасында 14, 15 және 16 жастағы үш жасөспірім де бар. Олардың жағдайы да орташа ауырлықта: бір баланың тізесі мен іші көгерген, екіншісінде мұрын сүйегінің жабық сынуы, ал үшіншісінде оң аяғының жабық сынуы орын алған.
Қазір науқастар қажетті ем-дом мен тексеруден өтіп жатыр. Содан кейін кімге стационарлық ем қажет екені, кімнің тұрғылықты жері бойынша амбулаторлық емделуге жіберілетіні белгілі болады.
Барлық науқасқа қажетті медициналық көмек толық көлемде көрсетіледі.
Естеріңізге сала кетейік, бұған дейін Алматыда жолаушылар мінген автобус апатқа ұшырап, бір адам қаза тапқанын хабарлаған болатынбыз.