Банкаралық мобильді төлемдер жүйесіндегі мобильді аударымдар бойынша бір транзакцияның лимиті 1 миллион теңгеден 2 миллион теңгеге дейін өсуі мүмкін. Бұл туралы Ұлттық банк төрағасының орынбасары Бинұр Жаленов Үкіметте өткен баспасөз брифингінде айтты, деп хабарлайды aqshamnews.kz тілшісі.
Жаңа лимит қазанның аяғында күшіне енеді
Бұл өзгеріс 19 шілдеде іске қосылған банкаралық мобильді төлемдер жүйесі туралы болып отыр.
"Негізінен бұған QR арқылы төлеуден бөлек, телефон нөмірі арқылы аударымдар да кіреді. Жалпы, әр банктің өз тәуекел саясаты бар. Менің білуімше, біз транзакция бойынша бұл деңгейді 1 миллион теңгеден 2 миллион теңгеге дейін арттырдық. Ол қазанның аяғында күшіне енеді деп ойлаймын", – деді Бинұр Жаленов.
Қоғамдық талқылау
Ұлттық банк төрағасының орынбасары бұл норма "Ашық НҚА" порталында қоғамдық талқылауға шығарылғанын атап өтті.
Оқи отырыңыз: Қазақстанда стейблкоиндер толық мойындалып, қолданысқа енгізіліп жатыр – Ұлттық банк