Мьянмадағы жойқын зілзаладан қаза тапқандар саны 1644 адамға жетті, деп хабарлайды aqshamnews.kz.
Тағы 3400-ден астамы жараланып, 139-ы із-түссіз жоғалып кеткен. Бұл туралы "Би-Би-Си" телеарнасы хабарлады.
Қуаты 7,7 балдық жерасты дүмпулері Бангладеш, Үндістан, Қытай және Лаос сияқты бірқатар елде сезілді. Таиландта 77 афтершок тіркелген. Бангкокта 11 адам ажал құшып, 42 тұрғын зардап шекті.
Таиланд астанасы мен Мьянманың 6 аймағында төтенше жағдай жарияланған. Іздеу-құтқару жұмыстары жүріп жатыр. Біріккен Ұлттар Ұйымы зардап шеккендерге көмек ретінде 5 миллион доллар бөлді.