Арулардың халықаралық күніне орай өткізілген байқауға оқушылар мен балабақша тәрбиеленушілері де қатысты
«Alatay aqparat» медиахолдингі ұйымдастырған «Менің анам!» тақырыбындағы сурет байқауы мәресіне жетті, деп хабарлайды Almaty-akshamy.kz.
Халықаралық аналар күніне орай өткізілген байқауға тек қана оқушылар емес балабақша тәрбиеленушілері де қатысты. Қатысушылар арасында Алматы қаласының балдырған өнерпаздарынан бөлек, елорданың кішкентай тұрғындары да бар.
Байқау медиахолдингтің инстаграмдағы @aqshamy.official ресми парақшасында өтті. Байқаудың шарты бойынша балалар «Менің анам!» тақырыбы аясында анасының суретін салып, видео түсірді.
Осы сайысқа атсалысып, өз жұмыстарын жолдаған біздің жас суретшілерімізге алғыс айтамыз. Алдағы уақытта түрлі байқаулар жалғасын таппақ.
«Менің анам!» байқауының жеңімпаздары «Alatay aqparat» медиахолдингінің дипломымен марапатталады және оларға Алматыдағы театрларға билеттер табысталады. Байқауға Алматы қаласының «Мемлекеттік қуыршақ театры» КМҚК және Н.Сац атындағы мемлекеттік академиялық балалар мен жасөспірімдер театры қолдау танытты.
Байқау жеңімпаздарын құттықтаймыз! Өнерлеріңіз өрге жүзсін, жас өнерпаздар!
Байқау жеңімпаздары:
1. Әли Бақдәулет Ерланұлы - А. Байтұрсынов атындағы №139 мектеп-гимназиясының оқушысы (Алматы);
2. Көркембай Әлихан Жәнібекұлы - №181 мектептің оқушысы (Алматы);
3.Хайролла Айша Асетқызы - А. Байтұрсынов атындағы №48 мектеп-лицейдің оқушысы (Нұр-Сұлтан);
4. Айзере Әділетқызы - А. Байтұрсынов атындағы №139 мектеп-гимназиясының оқушысы (Алматы);
5.Ақбаян Қуаныш – «Ерасыл» бала бақшасының тәрбиеленушісі, 5 жаста (Талғар ауданы)
6. Томирис Капарова - А. Байтұрсынов атындағы №139 мектеп-гимназиясының оқушысы (Алматы);
6. Әлімжан Нұрлан – 4 жаста (Алматы)
8. Ақниет Қуаныш – «Ерасыл» бала бақшасының тәрбиеленушісі, 2 жаста (Талғар ауданы).
Байқау жеңімпаздарын марапаттау уақыты мен өтетін күні және орны жеңімпаздарға қосымша хабарланады.