ҚР Мемлекеттік қызмет істері агенттігінің департаментіне уәкілетті органның аумақтық бөлімшесі ретінде мемлекеттік қызметшілердің мемлекеттік қызмет туралы заңнама және қызметтік әдеп нормалары талаптарының сақталуын бақылау функциялары жүктелген.
Сонымен қатар, Департаменттің функцияларының бірі мемлекеттік қызметшілердің құқықтарын қорғау болып табылады
Талдау барысында Департамент Алматы қаласы әкімдігінің қаулысымен штаттық саны 59 бірлікті құрайтын екі Басқарманы біріктіру жолымен жаңа Басқарма құрылғанын анықтады.
Мемлекеттік органдарды қайта құру кезінде жаңа басқарманың 47 қызметкеріне жалақы төлеу мерзімдерін бұзуға жол берілді, яғни қыркүйек айындағы жалақы 2025 жылғы 22 қазанда төленді, бұл заңнамада белгіленген мерзімнен 12 күнге артық.
"Қазақстан Республикасының мемлекеттік қызметі туралы" ҚР Заңының 9- бабы 9 тармақшасына сәйкес, мемлекеттік қызметшінің өзі атқаратын мемлекеттік лауазымына, жұмыс сапасына, тәжірибесіне және осы Заңда белгіленген өзге де негіздерге байланысты ынталандыруға және еңбекақы төлеуге құқығы бар.
Сондай-ақ, ҚР Еңбек кодексінің 113-бабының 1-тармағына сәйкес жалақы белгіленіп, келесі айдың бірінші онкүндігінен кешіктірмей, яғни келесі айдың 10-күнінен кешіктірмей айына бір реттен ҚР ұлттық валютасында ақшалай нысанда төленеді.
Сонымен қатар, ҚР Еңбек кодексінің 113-бабының 4-тармағына сәйкес жалақы төлеу мерзімдері бұзылған жағдайда, жұмыс беруші қызметкерге ҚР Ұлттық Банкінің базалық мөлшерлемесінің 1,25 еселенген мөлшерінде төлемді кешіктіру кезеңі үшін берешек пен өсімпұл төлейді.
Талдау қорытындысы бойынша Басқармаға төлемді кешіктіру кезеңінде өсімпұл төлеу және бұдан әрі мұндай бұзушылықтарға жол бермеу арқылы мемлекеттік қызметшілердің құқықтарын қалпына келтіру қажеттілігі туралы ұсыныс жіберілді.
Департаменттің ұсынымын орындау мақсатында жаңа Басқарманың 47 қызметкеріне жалақы бойынша берешек төленді, осыған байланысты мемлекеттік қызметшілердің құқықтары қалпына келтірілді.
Жоғарыда айтылғандардың негізінде азаматтар Мемлекеттік қызмет істері агенттігіне және оның аумақтық департаменттеріне жүгіне алатынын хабарлаймыз.