ҚР Білім және ғылым министрлігі 2021–2022 жылдары орта білім мекемелерінде оқу жылының басталуы мен ұзақтығы, каникул кезеңдеріне қатысты 2021 жылғы 27 шілдедегі бұйрыққа өзгеріс енгізді, деп хабарлайды Аlmaty-akshamy.kz ҚазАқпаратқа сілтеме жасап.
2022 жылғы 13 қаңтардағы бұйрыққа сәйкес, меншік нысанына және қандай ведомствоға бағынатынына қарамастан, мектептердегі 2021–2022 оқу жылының кезеңі мынадай мерзімге белгіленді:
Оқу жылының ұзақтығы:
1 сыныптарда – 33 оқу аптасы,
2-11 (12) сыныптарда – 34 оқу аптасы;
Оқу жылы ішіндегі каникул кезеңдері:
1-11 (12) сыныптарда: күзгі демалыс – 7 күн (2021 жылғы 1-7 қарашаны қоса алғанда), қысқы демалыс – 18 күн (2021 жылғы 30 желтоқсаннан бастап 2022 жылғы 16 қаңтарды қоса алғанда), көктемгі демалыс –12 күн (2022 жылғы 19-30 наурызды қоса алғанда).
Сондай-ақ 1-сыныптарға арналған 7 күн қосымша каникул 2022 жылғы 7-13 ақпан аралығына белгіленді.