2025 жылдың 1 тамыз бен 31 тамыз аралығында Республикада «Мектепке жол» акциясы жарияланды. Ата-аналарға балаларды мектепке дайындау және киім-кешек, аяқ киім, кеңсе тауарлары жене т.б. жетіспеуіне байланысты балалардың мектепке бармауына жол бермеу үшін қолдау керсету.
Бұл акцияның мақсаты – әр баланың білім алуға толық мүмкіндік алуы, жаңа оқу жылына қажетті құрал-жабдықтармен қамтамасыз етілуі. Сонымен қатар, қоғамда қайырымдылық пен жанашырлық сезімін нығайту, балаларға қамқор болуға үндейді.
2025 жылдың тамыз айында Алматы қаласы Әуезов ауданы №141 жалпы білім беретін мектебімізде де бұл акция аясында бірнеше оқушыға көмек көрсетілді. “Даму бала” спорттық орталығының жетекшісі Шаймерденов Дархан және 2 “Б” 4 “А”сынып ата-аналарының демеушілігімен 2 “Б”, 4 “А”сыныбының бірнеше оқушысына мектеп формасы, оқу құралдары, сөмкелер мен кеңсе тауарлары табысталды. Акция барысында мектеп директоры Жумашева Г.К. “Бұл – тек материалдық көмек емес, бала жүрегіне жылу ұялататын, болашағына сенім беретін үлкен қолдау” екенін атап өтті.
«Мектепке барар жол» – әр баланың білім әлеміне қадам басуына арналған игі істердің бастауы. Осындай шаралар арқылы қоғамда мейірім, ізгілік, жанашырлық арта түседі. Әр баланың әлеуметтік жағдайына бейқам қарай алмайтын жандарды акцияға тарту мақсатында мектептің әлеуметтік желілерінде хабарландырулар жарияланды.