Ертең Алматыдағы Орталық стадионда УЕФА Чемпиондар лигасы аясындағы "Қайрат" – "Реал Мадрид" матчі өтеді. Ал бүгін ертеңгі ойынға қатысты баспасөз конференциясы өтіп жатыр, - деп хабарлайды aqshamnews.kz тілшісі.
Журналистердің бірі "Қайрат" футбол клубының ойыншысы Егор Сорокинге "Мбапені қалай тоқтатасыңдар?" деген сұрақ қойды.
"Тәртіптің арқасында жақсы ойын көрсетуге ұмтыламыз. Басты қаруымыз – стандарттарды мүлтіксіз орындау. Ал Киллиан Мбаппеге қарсы барынша бүкіл ұжым болып қолайсыздық тудырып, еркін ойнауына жол бермеуге тырысамыз", - деді ол.