Бейсенбіде Мауи аралында өрттің тез таралуы салдарынан қаза тапқандар саны 53-ке дейін өскен. Гавайидегі тарихи Лахайна қаласын жойып жібере жаздаған өрт бұған дейін 80%-ға ауыздықталған, деп хабарлайды Almaty-akshamy.kz CBS News-ке сілтеме жасап.
Билік Гавайи архипелагындағы ең үлкен аралжардың бірі Мауиде әлі де бірнеше өрт болып жатқандықтан зардап шеккендер саны артуы мүмкін деп мәлімдеді.
Полиция адамдарды «қауіпсіздік мақсатында» Лахайна қаласынан алыс болуға шақырып, тұрғындардың үйлеріне оралуы үшін барлық шаралар қабылданатынын айтты.
Аралдың батыс бөлігіндегі адамдар Мауидің Кахулуи әуежайына эвакуацияланды. Мауи шенеуніктері рейстерін күткен 1400 адам әуежайда түнегенін айтты.
Президент Байден әкімшілігі бейсенбіде Гавайидегі өртті «үлкен апат» деп жариялады. Өртпен күресуге федералды қаражат өлінеді.
Жағалау күзеті бейсенбіде өрттен қашып, мұхит суына секірген 17 адамды құтқарғанын айтты. Суда жоғалып кеткендер туралы хабарламалар болған жоқ.
Мауи аралындағы 16 жол әлі жабық.
Жалынмен күресте Ұлттық ұланның екі тікұшағы жұмылдырылған. Одан 100 мыңнан астам галлон су төгіліді. Тікұшақтар сәрсенбіде 58 рет ұшты.
Hawaiian Electric мәліметінше, бейсенбі күні түстен кейінгі жағдай бойынша, аралда шамамен 12 400 адам электр қуатынсыз қалды.
Аралда түсірілген жан түршігерлік кадрлардан сейсенбі күні кешке тез таралған жалынның үйлерді бірінен соң бірі қиратып жатқанын көруге болады. Тұрғындар қашып аман қалуға тырысып жүр.
Мауидегі орман өртінен кейін қаланың бір кездері бос емес көшелерінде өртенген көліктер мен бұрын тарихи ғимараттар тұрған жерде күл үйінділері қалды.
Бұған дейін шенеуніктер 271 құрылым жартылай бүлінген немесе қираған, ондаған адам жарақат алған деп мәлімдеді.
Сәрсенбіде өрт сөндірушілер Мауи аралындағы бірнеше жерде өртті сөндіруді жалғастырды.
Бұған дейін хабарлағанымыздай, Гавайи мен Мауи аралын шарпыған бұрын-соңды болмаған орман өртінен кем дегенде 6 адам қаза тапты.