Масктың қайырымдылыққа нақты қанша ақша жұмсағаны белгісіз.
2021 жылы Tesla бас директоры Илон Маск шамамен 5,7 млрд долларлық компания акцияларын қайырымдылыққа жіберген. Мұнда мәлімет АҚШ реттеушілеріне жіберілген, деп хабарлайды Almaty-akshamy.kz Interfax.ru cілтеме жасап.
Құжаттарда 5 000 044 акцияларын нақты кім алғаны көрсетілмеген.
Қайырымдылық шаралары Tesla акцияларын сату барысында іске асқан. Жалпы алғанда, Маск 2021 жылдың соңғы екі айында 16 млрд доллардан астам компания қағазын сатқан. Ол сондай-ақ өткен жылы шамамен 22,9 млн опционды акцияға айналдырған.
Tesla басшысы желтоқсанда, яғни қайырымдылық жасағаннан кейін бірнеше апта өткен соң, 2021 жылға 11 млрд доллардан астам салық төлеуі керек деп санаған.
Chronicle of Philanthropy басылымының мәліметтері бойынша, Маск 2021 жылы қайырымдылыққа ақша жұмсау жағынан екінші ірі меценат болды. Билл мен Мелинда Гейтс жалпы сомасы 15 млрд долларлық қайырымдылық жасап, алдыңғы қатарда тұр.
Масктың қайырымдылыққа нақты қанша ақша жұмсағаны белгісіз, бірақ Tesla басшысы бұл туралы кейде әлеуметтік желілерде хабарлап тұрады. 2021 жылдың наурызында ол твиттерде Техастағы мектептерге 20 млн доллар және қала орталығын қалпына келтіру үшін 10 млн доллар бөлетінін жазған болатын. 2018 жылы ол Tesla компаниясының 100 млн доллардан астам акциясын қайырымдылық ретінде сатқанын хабарлаған.