Маңғыстау техникалық колледжінің бас есепшісі бюджет қаражаттарын жымқырғаны үшін бас бостандығынан айырылды, - деп хабарлайды Аqshamnews.kz тілшісі.
Облыс прокуратурасы Маңғыстау техникалық колледжінің қызметінде тексеріс жүргізді.
Тексеріс нәтижесінде бас бухгалтердің 243 млн теңге көлемінде іс-сапар, шәкіртақы және салық міндеттемелері үшін көзделген қаражатты өзінің жеке шотына заңсыз аудару арқылы бюджет қаражатын жымқырғаны анықталды.
Бұл дерек бойынша ҚК-нің 189-бабы 4-бөлігі 2 тармағымен қылмыстық іс қозғалып, соталды тергеп тексеру арнайы прокурорлармен жүргізілді.
Маңғыстау аудандық сотының 9 шілдеегі үкімімен колледждің бас есепшісі ҚК-нің 189-бабы 4-бөлігінің 2 тармағымен 5 жыл мерзімге бас бостандығынан айыру жазасы тағайындалып, 10 жыл мерзімге бухгалтерлік қызметпен айналасу құқығынан айырылды.
Маңғыстау техникалық колледжінің бас есепшісі 243 млн теңге жымқырған
