Мен қайта ораламын да ондағы сайқымазақтардың бәрін ұрып жығамын
Америкалық Дастин Порьемен жекпе-жекте жарақат алған Конор МакГрегор UFC-ге қайта оралмақшы, деп хабарлайды Almaty-akshamy.kz.
Аралас жекпе-жектің майталманы мұндай мәлімдемені әлеуметтік желіде жариялады.
МакГрегор бұған дейін төбелестегі мәнсабын тоқтатқанын бірнеше рет мәлімдеген, алайда жекпе-жек алаңына қайта оралып отырды. Шілде айында америкалық Дастин Порьемен болған кездесуде ирландық аяғын сындырып алған еді. Жарақаты жазылған Конор енді октагонға қайта шығуға ниетті.
Ирландық файтер әлеуметітк желіде өз жанкүйерлерінің сұрақтарына жауап беріп, алдағы жоспарымен бөлісті. Қойылған сұрақтың бірі оны шамына қатты тиіп кеткен сыңайлы. «Мен қайта ораламын да ондағы сайқымазақтардың бәрін ұрып жығамын» деді ол.