Жақында мәдениет басқармасының бұрынғы басшысы Болат Мажағұловтың ұсталғаны туралы ақпараттар тарады.
АФМ (Қаржылық мониторинг агенттігі) оның не үшін күдікке ілінгенін мәлімдеді, деп хабарлайды aqshamnews.kz.
2016 жылы «Күн» фонтанының құрылысы кезінде құрылысқа арналған келісімшарттар мемлекеттік сатып алу процедураларын өткізбестен жасалған.
Фонтан құжаттамаларсыз және мемлекеттік сараптамадан өтпей салынған.
Құрылыс барысында сапасыз материалдар қолданылған, нәтижесінде фонтан 2017 жылдан бері жұмыс істемейді.
1 миллиард теңгеден астам қаражат ұрланған.
Іс аясында Мажағұловтың мүлкіне: 3 коммерциялық нысанға, 2 автотұрақ орнына және Астанадағы премиум класты пәтерлеріне тыйым салынды.