Үкімет бұл туралы тиісті қаулы қабылдады.
Қаулы төрт шығармашылық жоғары оқу орнына қатысты, деп хабарлайды Almaty-akshamy.kz Премьер-Министрдің ресми сайтына сілтеме жасап.
Мәдениет және өнер саласындағы бірқатар жоғары оқу орын оқытушыларының еңбекақысы көтерілді.
«2025 жылға дейінгі Халықтың табысын арттыру жөніндегі кешенді жоспарды іске асыру шеңберінде ұйымдық-құқықтық нысанына қарамастан, ерекше мәртебесі бар мәдениет және өнер саласындағы жоғары және (немесе) жоғары оқу орнынан кейінгі білім беру ұйымдары профессор-оқытушылар құрамының лауазымдық еңбекақыларының белгіленген мөлшеріне арттыру коэффициентін ұлғайту (1,75-тен 3,5-ке дейін) көзделген. Қаулы 2022 жылғы 1 қаңтардан бастап қалыптасқан қатынастарға қатысты қолданылады, сондықтан осы жылдың өткен айларының еңбекақысы бойынша қайта есептеу жүргізілетін болады», - деп көрсетілген ресми хабарламада.
Қаулы төрт шығармашылық жоғары оқу орнына қатысты: Т. Жүргенов атындағы Қазақ ұлттық өнер академиясы, Құрманғазы атындағы Қазақ ұлттық консерваториясы, Қазақ ұлттық өнер университеті және Қазақ ұлттық хореография академиясы.