Биылғы жылы Алматы қаласы Алатау ауданы №178 мамандандырылған лицейдің 12 түлегі мемлекеттік және шетелдік алдыңғы қатарлы университеттерінің гранттарын ұтып алды.
Бұл 2023-2024 оқу жылының үздік нәтижесі, әрі ұстаз, ата-ана мен оқушы «үштік одағының» ортақ қуанышы болмақ.
Атап айтсақ, білім додаларында топ жарған 11 түлек мемлекеттік «ТҰРАН» университеті, «НҰР-Мүбәрак» университеті, Әль-Фараби атындағы қазақ ұлттық университеті, Назарбаев Университеті, Сулейман Демирель университеті және т.б. университеттердің гранттарын ұтса, ал Азамат Жания Біріккен Араб әмірлігінің 5 университетіне, Америка құрама штаттарының 4 университетіне жолдама иеленген.
«Жания IELTS 7.0 нәтижесі бойынша Халықаралық 9 университеттің (АҚШ-тың Arizona state university, Saint Leo University, The British University of Alabama, UMBC an honors university, University of Birmingha) грант иегері атанды. Сондай-ақ, Біріккен Араб әмірліктерінің университеттерінен де (The British University in Dubai, Heriot-Watt University, Middlesex university, Murdoch University) арнайы шақырту алып отыр», - дейді сынып жетекшісі Досқожаева Н.
Өмірлік армандарына қанат қағып, өмірлік мақсаттарына қадам басып барады. Сәт сапар, жас түлек! Өмір жолындағы сапарларың сәтті болғай!