Ауыл шаруашылығы вице-министрі Ермек Кенжеханұлы Lindsay корпорациясының президенті Оберто Густавомен кездесу өткізді.
Ермек Кенжеханұлы министрліктің алдында ауыл шаруашылығы өнімдерінің жалпы көлемін, оның ішінде қазіргі заманғы техникалық суару құралдарын енгізу арқылы ұлғайту міндеті тұрғанын атап өтті, деп хабарлайды aqshamnews.kz Ауыл шаруашылығы министрлігіне сілтеме жасап.
«Сіздің компанияңыз ұсынатын суару, инфрақұрылым және өнеркәсіптік технологиялар саласындағы инновациялық инженерлік шешімдер біз үшін үлкен қызығушылық тудырады. Оларды пайдалану агроөнеркәсіптік кешеннің дамуына жағымды әсер етеді. Біз осы бағытта ынтымақтасуға дайынбыз»,-деді вице-министр.
Өз кезегінде Оберто Густаво бүгінде компания Lindsay жабдықтарын Қазақстан аумағында құрастыру және оқшаулау жөніндегі жобаны іске асыру мәселесін қарастырып жатқанын атап өтті.
Кездесу барысында жобаның іске асыру бойынша мәселелер талқыланды.