Танымал актриса Ақерке Арыс Тұрсынбек Қабатовтың экс-әйелі Мөлдір Мұқанованың фильміне қатысты айтылған сынға жауап берді, - деп хабарлайды Аqshamnews.kz тілшісі.
Күні кеше үлкен экранға жол тартқан Мөлдір Мұқанның "Шәй в большом городе" фильмінен кейін жұрт арасында түрлі пікір туды. Фильмнің алғашқы көрермендерінің бірі болған актер Қайрат Әділгерейдің жары Бақыт Тұрман Мөлдірдің киносын сынап тастады.
"Мөлдірдің фильмінде көп олқылық бар. Костюмерлердің жұмысына сөзім жоқ. Ондай киімдерді баяғы фильмдерден көруші ек. Неге ондай таңдау жасағанына таңмын", - деп сын білдірген еді.
Бақыт Тұрманның сөзінен кейін актриса Ақерке Арыс қарсы шықты.
"Өтірік құрбы, өтірік жанашыр достардан сізді Құдай сақтасын деймін. Бұл критика емес, көре алмаушылық деп көрдім. Құдай өзі кешірсін. Үлкен әйелдерді түсіне алмайтын шығармын мен. Әлде балалары өсіп кеткен соң іштері пыса ма? Критикасы ұзақ, аяқ жағы ақталу. Менің оқырмандарым, Мөлдір әпкемізге ешкімді тыңдамай қолдау көрсетейікші, жұрттар ұйықтай алмай қалсын", - деді ол.