Қаржы бюджеттен 8 жылдан 15 жылға дейінгі мерзімде қайтарымды негізде пайызсыз беріледі.
Соның арқасында тұрғындар күрделі жөндеу жүргізіп, шатырды, инженерлік және электр желілерін ауыстыруды, кіреберісті және т.б. жұмыстарды атқара алады, деп хабарлайды Almaty-akshamy.kz
Алматы тұрғындары көпқабатты үйдің төбесін, қасбетін немесе лифтін жөндей алады. ТҮКШ жаңғырту бағдарламасына қатысу үшін тұрғын үйдегі пәтер иелерінен өтінім беру қажет.
2011-2022 жылдары бағдарлама аясында 965 көпқабатты үй жөнделді. Биылғы кезекте 100 көппәтерлі үй тұр.
Бағдарламаға қатысу үшін жиналыста тұрғын үйді жөндеу туралы шешім қабылдайды. Одан кейін хаттама мен өтінімді бағдарлама операторы «Алматы Тұрғын үй» ЖШС жолдау керек.
Анықтама телефондары:
«Алматы Тұрғын үй» ЖШС.: +7 (727) 390-22-09.
«Алматы қаласының коммуналдық инфрақұрылымды дамыту басқармасы» КММ: +7 (727) 225- 14-31