Конор Макгрегор Ирландия президенттігіне үміткер болуға шешім қабылдады, деп хабарлайды aqshamnews.kz
Егер билікке келсе, ММА жекпе-жекшісі отбасылық құндылықтарды, жұмысшылардың және шағын бизнестің құқықтарын қорғайтынын уәде етті.
Танымал жекпе-жекші Конор Макгрегор Ирландия президенттігіне үміткер болу ниетін білдірді. Ол бұл туралы әдеттегідей өткір мәлімдеме жасады.
«Мен бұл туралы бұрын да айтқанмын, қазір қайталаймын: Ирландия халқына жұмысшылардың байлығын алдап тартып алғандардан, отбасылық құндылықтарды және шағын бизнесті жоюшылардан жауап талап етемін!» — деп жазды ол X желісінде.
Сайланған жағдайда Макгрегор қажет болса, парламенттің төменгі палатасын тарататынын айтты.
«Ирландияға халық мүддесіне толық берілген белсенді президент керек. Ол — менмін. Мен — жалғыз логикалық таңдау. 2025 жыл жақындап қалды...» — деп жазды жекпе-жекші.