Астанада басына кондиционер құлап, қаза тапқан фельдшер Ұлдана Мырзуанның күйеуі алғаш рет сұхбат беріп, сол күндері бастан өткерген қиын сәттерін еске алды, деп хабарлайды aqshamnews.kz тілшісі Politico.kz-ке сілтеме жасап.
Оның айтуынша, марқұм жансақтау бөлімінде жатқан кезде өмір белгісіне ұқсас реакциялар көрсеткен.
"Қалай айтсам екен?! Оған дейін, әрине, белгілер болды. Мен оның қолын ұстаған кезде реакция көрсететін. Ал жанында отырып Құран оқығанымда ол жылады. Мен оның көз жасын сүрттім. Мұның барлығы ол комада жатқанда болды", – деп баяндады.
Ол дәрігер ретінде әйелінің жағдайында аяққа тұруына үміт өте аз болғанын білгенін де жасырмады. Марқұмның күйеуі сол сәттерді үлкен өкініш және ауыр қайғымен еске алып, бұл оқиғаның отбасы үшін орны толмас қаза болғанын айтты.
