Қазақстан халқы Ассамблеясының өкілдері Алматы қаласының перинаталдық орталығына және №5 қалалық перзентханаға барып, жаңа туған сәбилердің аналарын құттықтады, деп хабарлайды aqshamnews.kz
Іс-шара Алғыс айту күні мен Қазақстан халқы Ассамблеясының 30 жылдығына орай өтті.
- 1 наурыз - Алғыс айту күнінде перзентханадағы аналар мен дәрігерлерді құттықтап, алғыс айтуға келдік. Бұл игі бастамаға дүнген этномәдени бірлестігі, ауған этномәдени бірлестігі және қырғыз этномәдени бірлестігі атсалысты. Бұл керемет айдағы жақсы бастамалардың бірі, - деді Алматы қаласы бойынша ҚХА Ақсақалдар кеңесінің төрағасы Болат Оспанов.
Іс-шара барысында Алматы қаласының перинаталдық орталығы мен №5 қалалық перзентханасында ана атану бақыты бұйырған 20-ға жуық анаға сыйлықтар табысталды.