Алматылықтар мен қала қонақтары Республика күніне арналған ерекше жарық шоуын тамашалады, деп хабарлайды aqshamnews.kz
Бүгін Алматыда Республика күні құрметіне орай «Көк-Төбе» телемұнарасы мерекелік жарықпен көмкерілді. Қаланың символы саналатын бұл телемұнара түрлі-түсті прожекторлар арқылы жарықтандырылып, мультимедиялық бейнелермен әрленді.
Телемұнараның ерекше жарықтандыруы қаланың архитектуралық келбетін айшықтап, алматылықтар мен туристер үшін назар аударарлық орынға айналды.
Айта кету керек, «Көк-Төбе» телемұнарасы 185 TLOS-H прожекторларымен жабдықталған, олар әртүрлі бұрыштармен жарық шашып, LED-модульдер арқылы мұнараның 10 деңгейін жарықтандырады.