«ҚазМұнайГаз» Маңғыстау облысы Кендірлі аймағында теңіз суын тұшытатын зауыт салып жатыр, деп хабарлайды aqshamnews.kz.
Жаңа кәсіпорын Жаңаөзен тұрғындарын ауыз сумен тұрақты қамтамасыз етіп, өңірде өнеркәсіпті дамытуға мүмкіндіктер ашады деп жоспарлануда.
Зауыт тәулігіне 50 мың текше метр су шығарады деп күтілуде;
Инженерлік инфрақұрылым бойынша жұмыстың 75%-дан астамы орындалған;
Жаңаөзен қаласына дейін тұшытылған суды жеткізетін магистральды су құбыры (201 км) және электр желісін тарту (83 км) жұмыстары 90%-ға аяқталған;
40 км автожол құрылысы, 46 км газ құбырын тарту жұмыстары жүргізілуде;
Құрылыс жұмыстарына 654 адам, 200-ден астам құрылыс техникасы мен механизмдер (соның ішінде автожол және теңіз түбін тереңдету техникасы) жұмылдырылған.