Өндіріс орны Үлбі өзенін ластаған.
Экология және табиғи ресурстар министрлігінің экологиялық реттеу және бақылау комитетінің мәліметінше, Шығыс Қазақстан облысындағы Үлбі өзенінің ластануы бойынша «Казцинк» ЖШС Риддер тау-кен байыту кешеніне жоспардан тыс тексеру аяқталды, деп хабарлайды Almaty-akshamy.kz
«Жоспардан тыс тексеру кезінде Экология департаменті мамандары алған сарқынды сулардың сынамаларында марганецтің 4,5 есе артық мөлшері анықталды. Сондай-ақ тазарту құрылыстарын дұрыс пайдаланбау салдарынан Үлбі өзеніне көптеген ағындар орын алғаны анықталды, жоспардан тыс тексеру қорытындысы бойынша «Қазцинк»-ке ЖШС-не 50 миллион теңге көлемінде әкімшілік айыппұл салынды», делінген хабарламада.
Сондай-ақ «Казцинк»-ке ЖШС заң бұзушылықтарды жою туралы ұйғарым шығарылды.