Стадион жанкүйерлердің айқайы мен қол шапалағына бөленіп, ерекше қуатқа толды, деп хабарлайды aqshamnews.kz тілшісі.
Канье Уэсттің Алматыдағы концерті дәл белгіленген уақытта басталды. Алғашқы минуттардан-ақ бұл кештің ерекше болары сезілді.
Концерттің кейінге шегерілуіне, ұзақ күту мен соңғы күндердегі алаңдаушылыққа қарамастан, көрермендер көтеріңкі көңіл күйін жоғалтпай, жұлдыздың сахнаға шығуын асыға күтті. Канье сахнаға шыққан сәтте мыңдаған көрермен оны зор қошеметпен қарсы алды. Стадион жанкүйерлердің айқайы мен қол шапалағына бөленіп, ерекше қуатқа толды.
Бүгін ауа райы да осы үлкен музыкалық кешке қолайлы болып тұр: Алматыда күн жылы әрі ашық. Керемет атмосфера, музыка және әлемдегі ең көп талқыланатын артистердің бірін көруге жиналған мыңдаған көрермен.
Көрермендердің ықыласы ерекше әсер қалдырды. Концерттің кейінге шегерілгеніне қарамастан, жұлдыз сахнаға шыққан сәтте ұзақ күтудің бар қиындығы артта қалды. Жұрт көптен күткен өнерпаздың сахнаға шыққанына қуанып, концерттен ләззат алды.
Бүгін Алматының үні ерекше асқақ. Мыңдаған адамның дауысы, сахна шамдары мен көрермендердің қуаты сөзбен жеткізу қиын айрықша атмосфера қалыптастырды. Бұл кеш бүгін осында болғандардың жадында ұзақ сақталары анық.
Ең бастысы – ұзақ күткен сәт келді. Канье Уэст Алматыда, концерт басталды, ал көрермен көптен күткен сәтіне куә болды.
Концерттің ауқымы мен деңгейі де ерекше әсер қалдырады. Бұл – көрінісі мен техникалық орындалуы жағынан өзгеше деңгейдегі ауқымды халықаралық шоу. Қуатты дыбыс, арнайы эффектілер мен отшашу бір-бірімен үйлесіп, әлемдік деңгейдегі шоудың ауқымын айқын көрсетіп тұр.
Стадион көрерменге лық толы. Соған қарамастан, іс-шара тыныш әрі ұйымдасқан түрде өтіп жатыр: бейберекетсіздік пен адам кептелісі жоқ, көрермендер өз орындарында, ал стадион кеңістігін музыка мен жарық көмкерген.