Қанададағы орман өртінің саны мен қарқындылығы барлық рекордтарды жаңартып отыр. Елдің премьер-министр Джастин Трюдоның мәлімдеуінше, қазір Канадада 414 орман өрті орын алған, олардың 239-ы бақылаудан шығып кетті. 20 мыңнан астам адам өз үйлерінен эвакуацияланды, деп хабарлайды Almaty-akshamy.kz. .
Квебектің өзінде ғана 150-ден астам белсенді өрт ошағы бар, бұл ретте жергілікті өрт сөндірушілердің бір уақытта 40-тан аспайтын өрт ошағымен күрес жүргізу мүмкіндігі бар, деп жазды ҚазАқпараттың ВВС ақпарат агенттігіне сілтеме жасап.
Өрт салдарынан АҚШ қалалары - Нью-Йорк, Вашингтон және басқаларында тұмша байқалды. АҚШ солтүстіктегі көршісіне жедел жәрдем жіберуде.
Квебектен басқа, Британдық Колумбия, Альберта, Онтарио, Жаңа Шотландия және солтүстік-батыс аумақтарында 3,3 млн га алқапта орманды жер өртеніп жатыр.
Елдің мыңдаған тұрғыны эвакуациялануға мәжбүр болды, ал ауа түтініне байланысты қауіп орнағандықтан Солтүстік Америкада ондаған миллион адамға ескертілді.
Канада мен АҚШ-тың көптеген қалаларында, соның ішінде Торонто, Оттава, Нью-Йорк және Вашингтонда аспан күңгірт қызғылт сары түске боялған. Оттава билігі өрттен ауаның ластануын адамдардың денсаулығына, әсіресе тыныс алу органдарының ауруларына өте қауіпті деп атайды.
Нью-Йорк пен Вашингтонда мемлекеттік мектептердің жұмысы тоқтатылды, ал Нью-Йорк мэрі Эрик Адамс жағдайдың ушығуы мүмкін екенін ескертпіп, халықты үйден шықпауға шақырды.
