Жыл басынан бері іздеуде жүрген 706 адам ұсталды. Оның 14-і - адам өлтіргендер, - деп хабарлайды aqshamnews.kz.
Бас прокуратура мәліметінше, халық көп жиналатын орындарға 3 мыңнан астам камера орнатылды. Солардың көмегімен 2024 жылы 72 қылмыскер ұсталды. Мәселен, былтыр қазанда Алматыда ауыр қылмыс жасағаны үшін 15 жылдан аса уақыт бойы іздестіруде жүрген қылмыскер ұсталды.
Сонымен қатар, шетелдік юрисдикциялардан аса ауыр қылмыстар жасаған - кісі өлтіру, қаржылық пирамидалар құру, ұйымдасқан қылмыстық топқа қатысу, алаяқтық және есірткі саудасы бойынша жауапқа тартылған 28 адам қайтарылды.
Жалпы, жыл басынан бері 706 іздестірудегі адам ұсталды, оның ішінде:
• 14 - кісі өлтіргені үшін,
• 13 - есірткі сатқаны үшін,
• 34 - тонағаны үшін,
• 141 - алаяқтық жасағаны үшін,
• 269 - ұрлық үшін.
Қабылданған шаралар іздестірудегі адамдардың жалпы санын 4,6%-ға (2226-дан 2123-ке дейін) азайтуға және оларды ұстау тиімділігін 63,7%-ға дейін арттыруға мүмкіндік берді.
Жазаның бұлтартпастығын қамтамасыз ету және елдегі құқықтық тәртіпті нығайту жұмысы жүйелі және тұрақты негізде жалғасатын болады.