Бұл туралы Оқу-ағарту министрлігі мәлімдеді.
Осылайша, 2 жастан 6 жасқа дейінгі бүлдіршіндердің 91,5%-і мектепке дейінгі тәрбиемен қамтылған, деп хабарлайды aqshamnews.kz 24.kz-ке сілтеме жасап.
Жаңа орындар кешенді шаралар нәтижесінде ашылып отыр. Бұл мақсатта мектепке дейінгі ұйымдар ғимаратын жаңадан салу, бұрыннан бар ғимараттарды реконструкциялау, мектептер жанындағы шағын орталықтар желісін кеңейту жұмыстары жүргізілген. Сондай-ақ мемлекеттік білім беру тапсырысын жекеменшік балабақшаларға да беру механизмі өз тиімділігін көрсетті.
Бүгінде елде 11,5 мың балабақша бар. Бұл мекемелерде 1 миллионнан астам бүлдіршін тәрбие алып жатыр. Министрлік жыл соңына дейін балаларды балабақшамен қамту межесін 92,5%-ке жеткізуді көздеп отыр.