Мың жылдан астам тарихы бар шаһар.
Мемлекет және қоғам қайраткері Мұрат Әуезов Алматы халқын Қала күнімен құттықтады, деп хабарлайды Аlmaty-akshamy.kz Almaty.tv-сілтеме жасап.
«Іле Алатауының баурайындағы алмағайып өлке - мың жылдан астам тарихы мен 2 миллион тұрғыны бар шаһар. Бүгінде бұл қала елдің ғылыми, мәдени, тарихи, һәм өндірістік әрі қаржы орталығы. Осы мәртебесі - бабалар жолынан бүгінге жалғасты», - деді М. Әуезов.
Ел ағасы келешекте де қала келбетін сақтаудың ортақ міндет екенін де айтты.
«Алматы менің туып-өскен қалам. Бұл бәріміздің жүрегімізге, санамызға ерекше жақын қала. Маржан тастардың бірі ғой», - деді мемлекет және қоғам қайраткері.