Ескерткіштің ашылуына мемлекет және қоғам қайраткерлері мен Тәшеновтің ұрпақтары қатысты.
Астанада мемлекет қайраткері Жұмабек Тәшеновке ескерткіш қойылды, деп хабарлайды Almaty-akshamy.kz
Ескерткішті Нұр-Сұлтан қаласының әкімінің орынбасары Асхат Расулов, мемлекет қайраткері, ғалым,Мырзатай Жолдасбеков, қоғам қайраткері Оралбай Әбдікәрімовтер ашты.
«Бүгін біздің отбасымыз үшін ерекше күн. Әкеміздің ескерткіші ашылды. Бұл ескерткіш үшін Қасым-Жомарт Кемелұлына рахмет. «Әкеңнің еңбегін неге насихаттамайсың?» деген адамдар көп болды. Нағыз еңбек сіңірген адамды халық өзі құрметтейді. Біз әкеміздің тек әке емес, нағыз патриот болғанына қуанамыз. Туған жерінде тұрған ескерткіш қандай керемет! Баршаңызға рақмет», - деді Саян Жұмабекұлы Тәшенов.
Жұмабек Ахметұлы Тәшенов Қазақ КСР-і Министрлер Кеңесінің төрағасы болған. 20.03.1915 жылы Ақмола облысында дүниеге келіп, 18.11.1986 жылы Шымкент қаласында дүниеден озған. Мемлекет және қоғам қайраткері, экономика ғылымының кандидаты.