Қызылорда облысында ауа райының қолайсыздығынан жоғалған малшы табылды, деп хабарлайды aqshamnews.kz
57 жастағы малшы түйе бағып жүріп, кеше кешке аймақты қаптаған қалың тұманнан адасып қалған. Оны іздеуді сол күні-ақ бастаған, өйткені ер адам жұмыс берушісіне хабарласа алған.
Бүгін таңертең, ауа райы қолайсыз болғанына қарамастан, ер адам ТЖМ қызметкерлері тарапынан "Бимағамбет" ауыл шаруашылығы қожалығына жақын жерден табылды. Медициналық көмекке мұқтаж болмағаны хабарланды.