Жетісу облысында 17 жыл халықаралық іздеуде болған күдікті ұсталды, - деп хабарлайды aqshamnews.kz тілшісі.
"Талдықорғанда полицейлер республикалық "Құқықтық тәртіп" акциясы аясында жүргізілген жедел-іздестіру іс-шаралары барысында құқық қорғау органдарынан ұзақ жыл бойы жасырынған 54 жастағы Қазақстан Республикасының азаматын ұстады", - деп жазылған хабарламада.
Полиция мәліметінше, ер адам 2008 жылғы 15 мамырдан бастап есірткі қылмысымен айналысқаны үшін халықаралық іздеуде болған. Мұндай әрекет үшін 10-15 жылға дейін бас бостандығынан айыру жазасы қарастырылған.
Ұсталған ер адамға полицейлер тиісті шара қолданып жатыр. Бұл іс бойынша барлық жағдай тергеу барысында мұқият тексеріледі.
Полиция қызметкерлері заң мен тәртіп әр азаматтың ұстануға тиіс қағидасы екенін, әр адам жасаған қылмысы үшін жауапқа тартылатынын ескертті.