Жаңа маршруттар мен жол жөндеу
Тұрғындардың өтініші бойынша жол инфрақұрылымын жақсарту бойынша жұмыстар жүргізіліп жатыр. Бұл туралы Жетісу ауданының тұрғындарымен кездесуде қала әкімі Ерболат Досаев айтты, деп хабарлайды Almaty-akshamy.kz.
Жол инфрақұрылымын дамыту үшін қолға алынған жұмыстар:
124 жол учаскесіне ағымдағы жөндеу жүргізілді және ұзындығы 26,3 шақырым 21 көше орташа жөндеуден өтті;
Көкжиек шағын ауданында тротуарлар және арықтармен бірге жолдар жөнделді;
Қараша айының соңына дейін 2-ші Гончарная көшесінде орташа жөндеу аяқталады;
29 мекенжайда ұзындығы 16,3 шақырым тротуарлар салынды, сонымен бірге жаяу жүргіншілер өткелдеріне 3 бағдаршам орнатылды;
Жетісу базарынан Адем сауда үйіне дейін ұзындығы 28 км болатын №138 жаңа маршрут ұйымдастырылды;
№46 маршрут 1 км-ге ұзартылды автобустар саны 10-нан 12-ге көбейді.
8 маршруттың (№40, 41, 70, 135, 52, 56, 69, 80) жылжымалы құрамы толық жаңартылды;
Қыркүйек және қазан айларында 30 жаңа аялдама орнатылды.