Танымал әнші Қайрат Нұртас ұлы Ханға су жаңа көлік сыйлады, деп хабарлайды Aqshamnews.kz тілшісі.
Әншінің продюсері әрі анасы Гүлзира Айдарбекова жаңалықты әлеуметтік желіде жариялап, Ханды құттықтады. Айтуынша, ата-анасының уақыты тығыз болғандықтан, ұлын жеке жүргізушісі тасымалдайды.
“Ханды құттықтап қоюларыңызға болады. Машиналы болды. Папасының да, мамасының да қолы тимейді. Жеке көлік жүргізушісі тасиды”, – деп жазды продюсер.
Әншінің көмекшісі де жасөспірімді құттықтап, ақжарма тілегін жаудырды.
Кадрдан сыйланған көліктің маркасы Hyundai Palisade екенін байқауға болады. Ал оның нарықтағы кейінгі жинақтамасының бағасы - 38-40 миллион теңге көлемінде сатылады.