Қазақстан Жазушылар одағының 90 жылдығына арналған салтанатты жиында әдебиет пен қоғамға ерекше үлес қосқан қаламгерлер мен руханият жанашырлары марапатталды, деп хабарлайды aqshamnews.kz
Халықаралық «Алаш» әдеби сыйлығы:
Бұл беделді сыйлықпен ТҮРКСОЙ халықаралық ұйымының бас хатшысы Сұлтан Раев, Әзірбайжан Жазушылар одағының төрағасы Анар Рзаев, Түркия Жазушылар одағының төрағасы Муса Казым Арыжан, Қырғызстанның Ел жазушысы Арслан Қойшиев, Өзбекстанның Халық жазушысы Усманкул Азимов марапатталды.
«Қазақстанның Құрметті жазушысы» атағы:
Әдебиетке қосқан үлестері үшін бұл атақ Еуразия Жазушылар одағының президенті Уфук Тузман, Әзербайжан ақыны Рашад Мажитов, швед жазушысы Пауэль Фрийес, Қырғыз Жазушылар одағының төрағасы Қаныбек Иманалиев, татар ақыны Ркаил Зайдуллин және тағы басқа көрнекті тұлғаларға берілді.
«Асыл сөз» әдеби сыйлығы:
Поэзия номинациясында бұл мәртебелі сыйлық ақын Байбота Қошым-Ноғайға, ал проза номинациясында жазушы Тұрсынжан Шапайға табысталды.
«Атымтай Жомарт» медалі:
Әдебиет пен руханиятты қолдап, демеушілік көрсеткен кәсіпкерлер «Атымтай Жомарт» медалімен марапатталды.
Бұл марапаттар руханият пен әдебиеттің дамуына үлес қосқан тұлғаларды елеп-ескерудің, олардың еңбегін құрметтеудің айқын дәлелі болды.